lunes, 14 de mayo de 2012

Azken sarrera

"Atzera begira, aurrera egiteko prest"





 Eta amaiera heldu da azkenean. Gure blogeko azken sarrera da berau, egia esan pena apur batekin esango diogu agur. Izan ere, hainbeste gauza aportatu dizkigu beronek... Gogoan dugu lehen eguna, eta egin dugun lan guztia.

Egunetan atzera begira jarri gara, hainbat izan dira egin ditugun hausnarketak eta jada nostalgia nabari da gure barruetan. Pozik eta triste gaude, gogoz etapa berriei ekiteko eta triste hemen utziko dugun guztiagatik. Arlo honek gauza asko eman dizkigula ezin ukatu, eta horren isla izan dira, taldeek egindako ekarpenak. Lan handia egon da guztien atzean eta asko ikasi dugu elkarrengandik. Gu geuk ere makamutxu talde gisa, lan gogorra egin dugula iruditu zaigu eta horren seinale egin genuen lanaren ebaluazioa

Formalki garapena nabaritu dugu gure barnean baina are garapen handiagoa izan dugu alor informalagoan. Hazi egin gara pertsonalki eta hau baloratzea izugarria da, arlo honek horretarako aukera eskaini digu eta holako aukerak gutxi egoten dira. Ez da teorian oinarritutako arloa izan, esperimentatzen, kuxkuxeatzen, hanka sartzen... ikasi dugu. Kaosean ere eraikitzen dela frogatu dugu, eta batez ere gure nortasuna, identitate sena, jorratu eta beronengan benetan sinistu beharra daukagula ikasi dugu. Gaur errealizatuta sentitzen gara, eta garen honetan sinesten dugu, beti ere, ingurura erreparatu eta daukagun hori baloratuz.

Eta ingurura begira jartzen garen heinean, zuek ikusten zaituztegu, eta hiru urte hauetan bizitakoa behin eta berriro datorkigu burua. Inoiz ahaztuko ez ditugun momentuak, eta betirako gurekin eroango ditugun lagun-onak! 


Honegatik, behin eta berriro eskerrak eman beharrean gaude, garena izaten utzi diguzuelako, zaren bezalakoak zaretelako, eta elkarrekin konpartitu dugun guzti hori berezi egin duzuelako!



ESKERRIK ASKO LAGUNOK




Ikasi dugun guztiaren sintesi gisa, guretzat esanguratsuak izan diren hitzen zaparrada egingo dugu!

Konstruktibismoa. Bloga. Berotasuna. Identitatea. Movie-maker. Interakzioa. Gadget.

Elkarlana. Kolaborazioa. Eskola 2.0. Komikiak. Buruhausteak. Enpatia. Feedback. Prezi.

Teknografiak. Erlajazioa. Maitasuna. Inprobisazioa. Hausnarketa. Eduglogster.

Laguntasuna. Koherentzia. Enlazeak. Etiketak. Opariak. Zalantzak. IKTak
  
Baloreak eta erresistentziak. Sentimenduak. Hazkuntza pertsonala eta formala. 

Eboluzioa. 

        Ikasten ikasi!             



Gure taldea!

Ezeren truke, hainbeste emoteagatik...

ESKERRIK ASKO!



*Munduko talderik onena osatu dugulako!*

Zorte on guztioi bide berrietan! 



domingo, 13 de mayo de 2012

Gure gogoetak [3]

Eta hirugarren gogoeta honetan gure identitatearen inguruan egin dugun hausnarketa azladu gura dizuegu.

"HIru urteko ibilbidearen amaiera jada hementxe daukagu, eta honekin batera arlo honen bukaera. Gure bizitzan zehar gure identitatea garatzen joan gara pausuka-pausuka eta hiru urte hauetan gure identitate hori nola sendotu den nabaritu ahal izan dugu. Baina ez hori bvakarrik izan ere, egtindako ibilbide hoenk eta batez ere, arlo honek identitate hori sendotu eta irakasle identitateaz hausnartzera eraman gaituela azpimarratu gura genuke. Honegatik gaur berau zuekin konpartitzera gatoz gaurko honetan. 
Bidea luzea izan da, eta amaiera benetan berezia daukagu aurrean. Gauza asko konpartitu dugu elkarrekin eta hein batean berauek bete digutue gure barruan, berauek indartu dute gure indentitatea, beretan garena. Honegatik, guar are bereziago ikusten dugu gure barrua eta gustura gauden benetan garen honetaz, eta inguratzen gaituenaz. Honekin esan gura duguna da, gerora irakasle izango garen heinean, batez ere identitate horren jabeak izango garela, eta berau izango dela gure armarik boteretsu eta preziatuena. Garena garela eta garen horretan mugituko garela, beraz, berau inoiz ez alboratzea gure lemariki garrantzitsuena izan behar da. Hau da, gure barnean ideia eta balore batzuk garatru ditugu arlo honetasn, eta jabetu gara balore horietaz baliatuz gauza asko gaindiu ditzakegula. Balore horiekin gure erresistentziarik gogorrenak ere gaindi ditzakegula alegia. 
Honegatik ikasi dugu, gerora hainbat oztoporekin aurkiko garela, noski, inork ez digu esan datorkiguna erraza izango denik eta. Hala ere, batzuetan oztopo horiek gure ideal eta identitateen kontra datozena ere ezin ukatu bahgein baino gehiagotan geratatu bait zaigu hori. Eta ez hori bakarrik, izan ere, askotan arazoen aurrean berauek gainditzeko gu geu izateari utzi egin diogu; liskar baten aurrean amore emanez, edota norbaitek ez dugula balio esan eta guk berau onartuaz. Hori baino gehiago balñio dugula ikasi dugu eta beraz, gure helburua garen horretan sinestea da, azkeneraino. 
Gure pentsamendu, sentimendu eta idealak edozein gauzaren gainetik ezarri behar ditugu eta hauen alde borrokatu baita ekaitzik gogorrean aurka borrokan jartzen garen egunean ere. Izan ere, edozein momenturen aurrean: berrikuntza, aldaketa, iraultza... Gu garelako gure geroa eraikiko dugunak eta berau gidatuko dugunak. Hanka sartzeko beldur barik, gozaen geroa eraikitzera lagunok! Irakasleak izango gara bai, baina geuk nahi dugun bezalako irakasleak, gure geroa eta haurren ongizatea nolakoa den erabakiko dugunak, gu geu izaten lagako digun identitateak urrea baino gehiago balio duelako!"


The best way to predict the future is to invent it
(Alan Kay) 



 

Gure gogoetak [2]

Gure gogoeten bigarren atala gure lagunen eta gure lanen ingurukoa izango da.

Gure kideen ekarpenak

"Nahiz eta talde desberdinen aurkezpenen ostean, hausnarketa eta balorazioa egin dugun, gure gogoetan atal honi lekutxo bat egitea pentsatu dugu. Izan ere, gure ustez erabat aberasgarriak eta baloratzekoak  dira guztiok egin ditugun lanak. Lau astetan zehar, teknologia berriekin loturan zeuden hainbat gairen inguruko kontuak ekarri dizkigute gure lagunek gelara. Informazio, aportazio, altxor eta opari mordoa besteak beste. Lan handia egon da lan bakoitzaren atzean eta baita dedikazio itzela. Bai horixe!
 Aurkezpenek egunero gehiago harritzen gintuzten eta are gehiago aberastu. Asko izan dira konpartitu ditugun momentuak: hausnartzera eraman gaituztenak, barre algaraka ia ito garenak, elkarlana baloratzera eraman gaituztenak, laguntasuna ere apreziatzen lagundu digutenak, egin ditugun negarrak, bizi izan ditugun emozio eta sentimenduak, gure irakasle identitatea eraikitzen lagundu digutenak, elkartasunean eta maitasunean sortu ditugun momentuak, talde sena indartu digutenak (...) elkarrekin eratu ditugun momentu ahaztezinak, guztiak!
Gure barrua beteta doa guzti honi esker, eta horixe da gure ustez, arlo eta aurkezpen hauek eman ahal izan diguten onena hein batean. Egia da, formalki asko hazi garela, izan ere, talde bakoitzak gai bat jorratu eta besteei aurkezteak gai askoren jakintza garatzeko aukera eman digu, eta gauza asko ikasi ditugula ezin ukatu. Hala ere, elkarri aportatu dizkiogun momentuak ere baloratzekoak izan direla uste dugu berauek gure barrua gozo bete digutelako.
Opari mordoa jaso ditugu eta batez ere, teknologia berrien arlo honek, pertsonalki eta talde gisa, elkar baloratzen erakutsi digu. 
Atzera begiratzen jarri gara behin baino gehiagotan eta bizi izan dugun horretaz pentsarazi dugu. Hala ere, atzera begira jarri garen heinean aurrerantza ere begiratu dugu era berean, eta bizi izan dugun hori gurekin eramango dugu. Eguneroko horrek erabat aberastu gaituelako."

 

Gure gogoetak [1]

Bueno eta jada gogoetak egiten hasteko ordua heldu zaigu. Hiru hilabete pasa dira eta ia konturatu ere egin barik. Hainbeste gauza izan dira bizitakoak... Egia esan nondik hasi ere ez dakigu baina, tira arlo honek eman digun gauza guztiak azaltzeko eta dena hausnartzeko atal desberdinak banatzea eta sortzea pentsatu dugu. Horrela guztiontzat errazagoa izango delako bai irakurtzea eta baita irakurtzen duzuen horretaz hausnartzea ere. Beraz, hauxe da gure lehen gogoeta.

Kukulumutxu

"Gu ez gara batere adituak teknologia berrien mundu honetan, beraz, gogoan dugu klaseko lehen eguna. Hain gogoan ze, atzo izango balitz legez gogoratzen dugu. Eta hauxe entzun genuen lehen egunean: BLOG bat eratu behar duzue! Ai ama! 
Gure kezka, burukominak, estresak... Segituan piztu ziren gure barruan, tripako minak etorri zitzaizkigun eta aitortu behar badugu kakalarria ere bai! 

Hala ere, biok paktua egin genuen, bai, arlo honek ikarak eta beldurrak kentzen lagunduko zigunaren paktua. Izan ere, traste hauekin trebabatzeko hanka sartu beharra dugula ikasi dugu, arakatu egin behar dugula, gaizki egin behar dugula, eta horrela ikasten dugula!  
Kaosean ere eraiki dezakegu! Horixe esaten zigun Alaitzek, eta gaur harro gaude egin genuen paktuagaz. Izan ere, blog bat eratu bakarrik ez, hainbat programa arakatu ditugu, baliabide mordoa daramazkigu gurekin, informazio mordoa... Aberastu egin gara, erabat.
Eta ez hori bakarrik izan ere, gaur pozik gaude. Pozik erronka pertsonalak gainditzea lortu dugulako, eta orain bederen mundu berri hauetan ibiltzeko bidea egiten ikasi dugulako, pixkanaka-pixkanaka, ez baitago inorako presarik. Hala ere, are pozago gaude atzera begira jarri garelako oraingoan eta eboluzioa ikusi dugulako, hasierako egun haretan gure begiak ezinezkotzat jotzen zuten hazkundea nabari dugu gure barruan. Bai jakintza aldetik, hau da formakuntzatik, eta baita alor pertsonaletik ere. 

Gure taldea, kukulumutxurena txikia izan da. Bai izan ere, bi baino ez gara izan eta horrek lan gogorragoa egitea eskatu digu. Inongo arazo barik egin dugun lan gogorra. Hala ere, talde txiki honetan sortu den konplizitatea ere azpimarratu gura genuke, alkarrekin elkarlanean aritzea zein baliogarria den ikusi dugulako. Bi izan arren, gure enpresa txikia (Bloga) eratu eta aurrera eraman ahal izan dugulako bion inplikazio eta esfortzuarekin eta honek, pertsonalki erabat hazten lagundu digula uste dugu gaurko egunez.
Elkarrengandik eta elkarrekin ikasi dugu eta honek duen balioaz jabetu gara. 
Honegatik, Blog honetan egin dugun lanagaz oso gustura geratu garela azpimarratu gura genuke. Eta emon digun guzti hori erabat enfatizatu nahiko genuke, haiseran uste ez arren benetan ate asko zabaldu dizkigulako blog honen eraikuntzat. Beraz, aurkitu dugun altxor preziatu legez definituko genuke egindako proiektu hau, gaurko egunez, hainbat eta hainbat gauzaz bete dugun kutxa berezia."


Aurkezpenak lau.


Eta ia konturatu be egin barik aurkezpenen azken eguna izan da gaurkoa!
Orokorrean oso pozik gaude hartu dugun guztiagatik eta hausnarketa sakonago bat egiteko asmoa daukagun arren, talde guztiak batera eratu dugun atmosfera eta planeta honen parte izateaz oso pozik gaudela esatea gura genuen gaurko taldeen hausnarketak adierazi aurretik.

Lehenengo taldea, Erretako pizza izan da eta berauek jorraten duten gaia: komikia.
Egia esan txundituta utzi gaituzte ez bait genuen imajinatu ere egiten hainbesteko jokoa eman ahal zuenik. Eta egia esan benetan gure neskak gaia zuku ederra atera diote, eta oso momentu atsegina pasatu dugu beraiekin.
Hasiera legez, antzezlana egin digute, gure Nikoleta andereñoak interpretazio bikaina egin digu, benetako antzezlea zirudien. Barre batzuk bota digutu antzerki labur horrekin eta pseudoletra eta grafia eskasen artean, hausnartzera ere eraman gaituzte. Izan ere, hiru urte hauetan eta batez ere, irakasgai honetan eratu dugun irakasle identitate horrek duen garrantzia azpimarratu digute gaur gelan, gure izatea eta idealak guztiaren gainetik daudela ikusarazi digute eta beraz, gure egunerokoan, gelan, kalean, horrelakoxeak izan behar garela!

Gero beraien gaira fokalizatu dute saioa, Andereñoa amets sakonean sartu eta eta komikiaren inguruan beraiek egindako bideoa erakutsi digute. Bertan, hainbat pertsonen iritziak azaldu dizkigute baliabide honen inguruan eta batez ere, lehengo garaietan zuen garrantziaz jabetu ahal izna gara. Izan ere, gure aiton-amonentzat edota gurasoentzat izugarrizko baliabideak ziren komikiak, haien garaietan beraien jostailuak ziren eta egunerokoan ezinbestekoak asko eta askorentzat. Honekin ikusi ahal izan dugu, apurka komikiak ikaskuntzan izan ditzakeen hainbat gauza positibo egun ikusi ere ez direla egiten eta beraz, albo batera laga eta ez diegu atera ahal zaien kutsu hori atera eta beraiekin jorratzen. Eta hori pena bat da.
Bestalde, erakutsi digute, badaudela egun sarean guk gura ditugun komikiak egin ahal izateko programa mordo bat eta beraz, beraiek erabiltzera animatu gaituzte. Uste dugu honelako programak ondo datozela, batez ere, marrazkigintzan trebeak ez diren horiek komiki edota uirudiak beharrezko diren elementu horietan trebatzeko,  besteak beste. 
Gero, haurrekin ere praktikan jarri dute komikiaren lanketa eta berau islatu eta aportatu digute gelara ekarri diguten bideoan. Oso baliagarria izan dela iruditu zaigu, izan ere, azaldu eta landu duten hori frogatu egin dutelako eta gero guri erakutsi. Eta egia esan benetan haurrekin lantzeko izugarri polita eta aberasgarria izan daitekeen gauza bat dela iruditu zaigu eta egun gure geletan ez dela behar beste lantzen.
Azkenik, beraiek sortutako komikiak oparitu dizkigute eta barre batzuk bota ditugu beraiek irakurtzen, egia esateko artista hutsak egin zaizkigu. Honegatik gaurkoan be uste dugu, izugarrizko lana egin dutela erretako pizza taldekoek eta gauza akso izan direla gelara ekarri eta erakutsi dizkigutenak, guztiak baliagarri eta apreziagarriak benetan. Honegatik, ZORIONAK! 


Bigarren taldea, Aostera izan da eta hauen gaia, Eskola 2. Berau zer den azaldu digute gelan, eta horretarako informazio desberdinak aurkitu eta kontrastatu dituztela agerian utzi dute gaur egin duten aurkezpenean. Youtubeko Bideo bat ere jarri digute eskola 2.0ren kontzeptuen laburpenak bertan adierazten zirelak, eta egia esan gaurko klasea baliagarria izan da kontu honen inguruan pixka bat gehiago jakiteko. Izan ere, bada jada denbora nahikotxo gure inguruan eskola 2.0ren gaia bueltaka dabilena, baina, egia esan, oinarte ez ditugu hain ongi beronen erraiak arakatu. Honegatik, gaurko klaseak gai honetan gehiago sakontzeko asko balio izan digu. Gianera, arazo bat edo beste ere izan dute, egin duten bideoren batek arazoak eman dizkietelako eta beraz, hori pena bat izan da. Hala ere, benetan baloratzekoa egin duten informazio bilaketa, kontrastaketa eta berauen islatzea egoera errealetan. Azken hau diogu, beraien gaiaren inguruan irakasle bati ere elkarrizketa egin diotela eta gero berau gurekin gelan konpartitu. Honek lagundu digu gai hau eguneroko errealitatean nola jorratzen den ikusten.
Bestalde aipatzekoa da aukezpenean  PREZI programa erabili dutela. Talde hau izan zen programa ezin dominaturik zebilela eta laguntza eskatu ordez, beraien erronka pertsonala gainditzea lortu dutela erakutsi digute gaur, aupa neskak!
Gaia, orokorrean, oso teorikoa izan da baina ondo uztartu dutela deritzogu eta beraz, lan polita ekarri digutela gelara. Teoria ere beharrezkoa da bizitza honetan, Alaiutzek esan duen legez!
Gainera, azken minutuen egin diguten papertsoen ekarpena bikaina izan da BIKAINA izan da!
Beraz, egindako lanagatik, zuei ere ZORIONAK!



Sentituz bizi garelako! 


Hitzak: aberastasuna, poza

jueves, 10 de mayo de 2012

Bloga!

Eta gaur hausnarketak egiten aritu eta buruari bueltak eman ostean ondorengo gai hau etorri zaigu burura. Izan ere, hasierako egunean ondorengoa entzun genuen: - Blog bat eratu behar duzue.  Uste dut, guztiok galdu xamar sentitu ginela, ez geneukan inongo trebeziarik teknologia berrian mundu honetan, eta beraz, guretzat izugarrizko erronka izan zen Blog-en mundu honetan murgiltzeko.

Hala ere, erronka berriei aurre egin behar zaiela eta salto egitera ausartu ginen, gogotsu eta ikaraz.
Eta apurka aurrera egiten ikasi dugu, eta gaurko egunez, behean azaldu dugun bezalako informazioekin topo egiten dugunean sarean, ibilbide honetan egindako eta ikasitako guztiari beste begi eta pentsamendu batekin begiratzen diogu. Errealizatuta sentitzen gara.
Izan ere, hasieran nork esango zigun Blog batek baliabide potente gisa balioko zigula gerora begira?



martes, 8 de mayo de 2012

"EducaconTIC"

Sarean bueltaka, ondorengo helbide honekin topo egin dugu eta benetan gure gerora begira baliagarria izango dela iruditu zaigunez, sarrera hau egin eta zuekin konpartitzea gura izan dugu.

http://www.educacontic.es/eu/

 Eta zer da "educacontic"?
Ondoren ikusgarri jarri dugun bideo horretan argi azaldu arren hitz batzuk adierazi nahi izan ditugu laburpen gisa.
Educacontik, sare sozial bat da eta bertan hezkuntza alorrean diharduten pertsona desberdinek parte hartzen dute. Nagusiki hainbat gauza konpartitzeko sortutako txokoa dela esan genezake eta beronen ardatzetariko bat praktikotasuna litzateke. Izan ere, irakasleek esperientzien beharra daukatela nabaria da gaur egun, eta beraz, honen bitartez, gelan aplikagarraik izan daitezkeen esperientziak eskura eta konpartitu daitezke. Aipatu bezala, gehienbat jendeak aportazioak egiteko txokoa da, bere gauzak adierazteko gunea.


EducaconTIC cumple tres años... pero, "¿Qué es EducaconTIC?" | Nuevas tecnologías aplicadas a la educación | Educa con TIC

Gure lanaren autoebaluazioa.



 
Sarrera bat egin gura izan dugu gure lanaren autoebaluazioa berton azaltzeko, izan ere, egin dugun lan hau benetan garrantzitsua izan da. 

Ordu asko eta lan mordoa izan genuen beharrean hasi ginen lehen egunetik. Gure teknografiatik hasi eta aurkezpen eguneraino bide luzea egin dugu, eta bidean oztopo ugarirekin egin dugu topo: movie-maker programak ematen zizkigun formatu arazoak zirela, nola eratu bideoa pentsatu behar genuela, orijinaltasuna mantentzea ezinbestekoa zela... Hainbat eta hainbat buruhauste, eta berauek nola ez, gure taldeko eta erronka pertsonal bihurtzen ziren agertu ahala. Gainera, zer esanik bez ez geneukala ideiarik ere programa honekin lan egiten eta egia esan behar baldiun badugu, guztiok oso kaxkarrak ginen teknologia berrien mundu honetan aritzeari zegokionez. Hala ere, erronkak gainditzen joan ginen, apurka bidean aurrera egiten genuela iksuten genuen eta nahiz eta askotan estresatuta eta desesperatuta amaitzen genuen gure lanak emaitza politak ematen zituela ikusteak pozez zoratzen gintuen. Bestalde, teknologia berrien munduan arakatzen eta trasteatzen ikasi dugu eta nola gainera, beldurrak albo batera laga ditugu eta hanka sartzeari genien paniko hori gainditzea lortu dugu talde lanean aritzeari esker.

Gainera, pertsonalki erabat hazten lagundu diogun proiektua izan da eta ez hori bakarrik, hausnartzera ere eraman bait gaitu eta hori, erabat eskertzekoa dela iruditzen zaigu. Gure talde sena indartu egin dugula nabaritu dugu, eta elkarlanak eta elkar berotu eta maitatzeak daukan garrantziaz ere jabetu ahal izan gara. Honegatik guzti hau azpimarratuta laga gura genuke guretzat alor honetatik bederen izugarri aberastu agrelako, eta horrek ez duelako preziorik, eskerrik ematea baino ez zaigu geratzen! Izan ere, gure lanak harrera itzela izan zuen, jendea zoriontzen etorri zitzaigun, hunkitu egin ziren eta gu are gehiago emozionatu!
Horrenbneste lan egin da gero, guztiak fruitua eman duela ikusteak eta beste pertsonengan eragin duzula jabetzeak asko balio duela uste dugulako, eta batez ere, hori eskertzeak benetan poztu egin gaitu.


 Bene-benetan MIL ESKER GUZTIOI!




Gure aurkezpen egunaren kronika.

Lander




Izaskun




Bueno ba aurreko sarreran aipatu bezala amen jarri dizkizuegu eskuragarri gure banakako teknografiak. Eta orain, azalpen txiki bat eman gura genuke laburpen edo egun horretako hausnarketa txiki bat berton adieraziz.

Goizean goiz geratu ginen, materiala prest genuen, prestatu beharrekoa prest geneukan eta publiko bariko entsaioa egiteko ere denok prest. Hala ere, gure barnean eta aurpegietan apurka geroz eta modu adierazkorragoan urduritasuna nabaria zen. Hala ere, aurkezpen aurretik kafetxoa eta haizea hartzen jaitsi ginen kanpora, eta egia esan baliogarria izan zitzaigun indarrak hartu eta aurkezpenari gogoz ekiteko. 

Honela ba, lehenengo beste taldearen aurkezpena ikusi eta korrika batean joan ginen geurea prestatzera. 
Lan asko egin genuen aurreko asteetan, bai gure teknografiak egiten, bai taldekoa eratzen, eta baita aurkezpena prestatzen ere. Beraz, guztia ondo irteteko ahalegin guztiak egin behar genuen, erronka itzela aurretik, eta gu beroni aurre egiteko gogoz. 
Denbora ere oso mugatua izan genuen eta ez zen errraza izan berau egoki antolatu eta planifikatzea, eta azkenean minutu batzuk pasa ginen arren, ahalegin guztiak egin genituen gure aurkezpena denbora barruan gauzatzeko. Beraz, honegatik aldez aurretik barkamena eskatu gura dizuegu. 

 Aurkezpena hasi aurretik, erlajazio saio bat egitea pentsatu genuen, guztiok erlaxatu, lasaitu eta gure barnean arakatzen hastea asmoz. Eta hori lortzeko, musika, lurrean jarritako lorak, iluntasuna, insientsoa eta guk prestatutako hitz multzo batzuk izan genituen lagun. Benetan, atmosfera polita sortu genuenaren sentsazioa geratu zitzaigun eta alor honi dagokionez erabat pozik geratu ginen. Izan ere, lehenengo unetik gure asmoa sentimenduen gaia jorratu eta bizitzea izan zen, ggela hartan geunden guztiok guk egindakoaz gozatu eta berau bizitzea. Hau diogu, azken finean sentimenduak ez direlako ezer bizitzen ez baditugu eta beraz, bizirik gaudela sentitzeko sentitu beharra dugunez, ba giro aproposa sortzea ezinbestekoa zela iruditu zitzaigun, esan bezala. Beraz, hau eginda, eguneroko errutina horretatik irten eta trenera igo ginen, gure sentimenduen bidaiari ekiteko asmoz. 

Lehenengo gure banakako teknografiak jarri genituen eta guretzat beronek gugan sortu duen sentimendu bat adierazi guztioi, kandela bat piztuaz. Honekin, gure bizitza sentimenduz beterik dagoela azaldu nahi genuen, eta honegatik, sentimendu bakoitzak gure bizitza koloreztatu egiten genuela. Bestela zer ginateke gu ba, sentimendu barik? Horixe ba, gure parte dira sentimenduak eta beraz, irakasle izango garen heinean berauek jorratu beharko ditugu haurrekin. Eta hasiera batean teknologia berriak hotz sentsazioa transmititzen diguten arren, teknografia eta antzerako proiektuak burutzean konturatu gara, azken finean irudi, hitz eta musikaz gauza eder asko sortu ditzakegula, eta batez ere, gu geu koloreztatu eta aberastu gaitezkeela. Beraz, teknologia berrien arlo hau horretarako laguntzaile ederra izan da guretzat, alor honi dagokionez baliabide ugari eskaini dizkigulako. 
Gero, Juantxo koloreztatu genuen, Juantxok ez bait zeukan sentimendurik!
Benetan aberastu eta berotu genuen...



Eta honen ostean, guztiok osatzen dugun talde honi eskerrak eman eta zeozer berezia oparitzeko asmoz, hiru urte hauetako ibilbidea laburtzen zuen bideo txiki bat eratu eta jarri genuen.Izan ere, hainbeste gauza izan dira elkarrekin bizitakoak... Ezin genituen agertu barik utzi, guretzat hain esanguratsu eta aberasgarriak izan diren urteok. Hainbeste eman eta beste horrenbeste baino gehiago hartu dugulako eta batez ere, elkar apreziatu, lagundu, babestu, maitatu eta berotzen ikasi dugulako. Pertsonalki izugarri hazten lagundu digulako bide honek, eta irakasleak izango garen heinean gu geu hazten eta ingurukoak berotzen jarraitzen segi dezagun! 

Azkenik, bukaera gisa gure autoebaluazioa azaldu genuen. (Berau hurrengo sarrera batean jarriko dugu, garrantzitsua izan dela iruditzen bait zaigu). Eta bukaera emateko, gure gelako bi mutilen urtebetzeak izan zirenez aste horretan sorpresatxoa eman genien Zorionak abestia kantatuz, izan ere, gure gelan mutil gutxi daude, eta berauek ezinbestekoak direla azpimarratu gura genuen. Dauden apurrak ondo zaindu behar ditugulako, eta gehiago izatera animatu daitezen! Honegatik, ZORIONAK Jabi eta Imanol!

Eta eskerrik asko guztioi edukitako harrera onagatik! 
Zuek bezalako ikusleekin plazer bat da egindako lanak aurkeztea!



MAKAMUTXU
(Amaia falta da argazkian baina bera ere gutariko bat da, makamutxua da!)




Hitzak: berotasuna maitasuna

martes, 1 de mayo de 2012

Aurkezpenak hiru.


Eta aste honetan, Armonika lewinsky-koek esan bezala, 2X1 izan dugu. Izan ere, bi egun izan ditugu aurkezpenez gozatzeko. Bigarren egunean, ostegunean ordu extrak sartu eta beste bi talderen aurkezpenak ikusteko aukera izan genuen. Alde batetik, Klikasten taldekoak eta bestetik, gu geu, Makamutxu taldekoak. 

Honela ba aste hau lanez gainezka egon da guretzat, aurkezpenagaz ibili bait gara gora eta behera; zer egin, gustatuko ote zaien, nola planteatu hau eta bestea...milaka buelta eman ditugu eta ordu mordoa sartu unibertsitatean, lan asko egin bait dugu. Hala ere, gustura geratu gara lortutako giroarekin eta egindako aurkezpenarekin. Gure helburuak bete direnaren sentsazioarekin gaude eta batez ere lortu nahi genuen sentimendu hori sortu dugula uste dugulako. Beste sarrera batean azalduko dugu zehatzago gure lanaren nondik norakoa eta beraz, aipamen txiki hau egin gura izan dugu, aste honetan ez bait dugu aktualizazio extrarik egin eta beraz, aldez aurretik horren arrazoia zein izan den plazarazi mahi izan dizuegu (lana!). Honela ba, hau komentatu ostean, orain gure gelakideen aurkezpenaren iruzkinari paso emango diogu.


Lehenengo taldea Klikasten izan da eta beraiek gaur gelara ekarri diguten gaia, teknologia berriak irakaskuntzan izan da. Antzerki antzeko batekin irakasleek gelan teknologia berriak nola erabili ditzaketen  bi adibide interpretatu dizkigute oso era garbian. Bi irakasle mota erakutsi dizkigute, batak irakasteko metodo tradizionala erabiltzen zuen eta besteak modu konstruktibistan irakasten zuen.  Oso kutsu komikoa izan du, batez ere, jendea berandu sartu eta gure andereño Olatzek izan duen erreakzioa zein izan den ikusi dugunean (oso ona, inprobisazio bikaina alajaina!). Guzti honek, konparaziorako tartea eskaini digu  eta pentsaraztera eraman. Izan ere, irakasle izango garen heinean jakin beharra dugu, ez dela bakarrik teknologia berriak ezagutzea, baizik aprendizaia lortzeko metodoak erabiltzea eta ikasle-irakasle arteko komunikazioa sustatzea bi noranzkoetan, besteak beste. Eta horretarako, ikaslea aktiboa izan behar dela pentsatzen dugu, irakaslea bitarteakari papera izango du beraz, eta ikaslea izango da bere kognizio bidea eratuko duena.


Eta orduan adierazi digute Tik eta Tak-em arteko "liskarra" bi pentsamendu desberdin, baina galdera bakarra: informazio eta komunikazio teknologiak formakuntzan nola erabili onuragarria izateko bai irakaslearentzat, bai ikaslearentzat. Eta honi jarraiki eurek eratutako bideo bat jarri digute. Oso ona izan da, ideia argiekinn egindakoa eta guretzat esanguratsua.
Gero, Prezi-a erabili dute aurkezpena egiteko eta berton aurrekoaz aparte teoria landu dute, izan ere, teknologia berrietan eta irakaskuntzan aditua den Juana Sancho-ren informazioaz baliatuz, laburpen txiki bat aurkeztu digute. 
Asko gustatu zaigu aurkezpena, argioa izan da eta gure ustez gerora begira hausnarketa egitera eraman diguna. Oso esanguratsua izan dela iruditu zaigu eta era desberdinetan informazio ezberdinak ematetik aparte, guretzat aberasgarria izango den hori zuzenean eta argi aportatu digutela iruditzen zaigu. Gainera, aurkezpenaren atzean lan asko egon dela nabaria izan da eta hori ere baloratzekoa da. Bestalde esan gura genuke, beste talde batzuek legez, hauek ere teoria izan dutela guri aurkezteko eta berau, era erakargarri eta dimnamikoan plazaratu digutela nabaritu dugu, bai adibideak interpretatuz edota prezi eta bideoaz baliatuz. Beraz beste behin ere, egindako lanagatik ZORIONAK zueri talde!

Honen ostean, urduritasuna nabaria izan da gure artean, gure txanda heldu da!
Ai ama!



Eta honen harira, burura datorkigu Paulo Freire-ren esaldi bat: 

"Alfabetizarse no es aprender a repetir palabras, sino a decir su palabra"




Hitzak: konstruktibismoa, irakaskuntza esanguratsua

martes, 24 de abril de 2012

Aurkezpenak bi.



Horrelaxe gaude gu, aluzinatuta! 
Izan ere, astelehen honetan beste hiru aurkezpen izan ditugu eta oraingoan ere izugarria izan da. Geroz eta gauza gehiago ikasten ari gara, eta gure baliabideen eta teknologia berrien inguruan dugun informazioaren kutxak gainezka egin behar digu. Taldekideek mordo bat gauza aportatu dizkigutelako alde batetik, eta gerora begira gure egunerokoan erabilgarri izango zaizkigun hainbat baliabideren jakintza ere eman digutelako bestetik. Beraz, gu erabat aberastuta eta pozarren sentitzen garela aipatu gura dugu.


Lehenengo taldea, Haur Hezkuntza Bilbo, teknografien gaiarekin etorri zaigu. Aurrekoan aipatu bezala gai ezaguna guretzat, baina oraingoan are ezagunagoa. Izan ere, batetik gure gaia delako eta bestetik lehengoan talde batek ere gai beraren inguruan jorratu zuelako bere aurkezpena. Hala ere, bestean esan legez, oraingoan ere harritu egin gara talde honek lanaren enfasia beste puntu batean jarri duelako, teknografia burutzeko prozesuan hain zuzen. Honegatik, batez ere, movie maker programarekin lanean ibiltzeko pauta desberdinak erakusti dizkigute, sortu daitezkeen arazoen berri eman eta berauek gainditzeko bideak ere erraztu dizkigutela esan genezake, besteak beste. Beraz, gure taldean hainbeste buruhauste eragin dizkigun programa honen inguruan are gehiago ikasteko aurkezpen ederra izan dela uste dugu, batez ere, adibidez hurrengoan teknografiaren bat edota bideoren bat egiteko ezagutzen ez genituen trukuren bat edo beste barneratzeko aukera eskaini digutelako, besteak beste. Gainera, beraien ikasle-irakalse identitatea definitzen duten eta honen adierazle den teknografia ere aurkeztu digute eta benetan hunkigarria iruditu zaigu; musika, irudiak eta hitzak erabili dituzte berton eta izugarria da hiru ezaugarri horiek uztartzean guregan eragin dezakeen guztia. Lan polita izan da eta zueri ere ZORIONAK!



Bigarren taldeak, lehiaketa batean partehartzeko aukera eman digu, "50X15" delakoan hain zuzen. Hainbat galdera erantzun behar izan ditugu IKTen inguruan, eta honek informazio asko barneratzen lagundu digu. Egia esan behar badugu, galdera asko erantzuteko buruhauste txikiak izan ditugu, baina, guztiok batera pentsatu eta erantzun egokia zein den hausnartuaz are errazagoa izan da lehiaketan aurrera egitea. Aurrera egitetik aparte irabaztea ere lortu dugu eta punta-puntako teknologia aparatuak izan ditugu sari gisa. A ze pagotsa gurea. Aurkezpena erabat originala iruditu zaigu, izan ere, joko honen bitartez jakintza desberdinak adierazi dizkigute modu erakargarri eta komiko bat atxikituz, eta hau gustokoa izan dugu. Lan ona egin dute, eta informazioa errealitatearekin kontrastatu dutela ere aipatzekoa da. Azken hau egiteko galdeketa antzeko bat egin dutelarik bai irakasle eta ikasleen artean eta hau ere erabat interesgarria iruditu zaigu. Honegatik, eta gazapoak medio (jajaja) asko gustatu zaigu Lau Mila Kolore taldearen aurkezpena, beraz, ZORIONAK!


Hirugarren taldea, Eskola 2.0ren inguruko informazioarekin etorri zaigu eta informazio, baliabide eta adibide desberdinez hornitu dute gure teknologia berrien inguruko jakintza. Gauza asko izan dira, teoria asko, baina, guri horrekin aportatu diguten guztia are handiagoa. Nabaritu da lan handia egin dutela informazio asko izan baitute alde batetik, eta hainbat eta hainbat iturri kuxkuxeatu dituztelako bestetik. Honegatik, guzti hori gurekin konpartitu nahi izate hutsa bakarrik baloratzekoa da, izan ere, ez baita batere erraza hainbeste gauza talde handian konpartitzea eta asteetan zehar buru belarri jorratzen ibili diren lan hori aurkezpen batean sintetizatzea, besteak beste. Hori dela eta, uste dugu egin duten lana handia izan dela. Gainera, guri geuri dinamikoa izan denaren sentsazioa eman digu azkenean guztia interesgarria iruditu zaigulako. Eta ez bakarrik interesgarria baizik, eta gerora begira baliagarria eta errealitatean aurki dezakeguna. Beraz, azken talde honek egin duen lana ere benetan potoloa eta zoriontzekoa, Kuxkuzeatuz honegatik zueri ere ZORIONAK!



Eta aurreko sarreran esan genuen bezala eskerrak eman beharrean gaude gaur ere. Eskerrak  taldeek gurekin konpartitu duten guzti horrengatik!

"Ikasten ikasten beti gure adimena zabaltzen..."



Hitzak: radiokasetea, baliabideak

lunes, 23 de abril de 2012

Aurkezpenak bat.

Azkenean ere hasi dira aurkezpenak eta gu pozarren. Izan ere, azken urte hauetan argi baino garbiago egiaztatu ahal izan dugu, hala eman ez arren, aurkezpenetatik izugarri ikasten dugula. Bata bestearen lanak konpartitzeko aukera eskaintzen digu metodologia honek eta honela, guztiok besteen esperientzietatik ikasten ikasten dugu eta klaseak kreatiboak izatetik aparte, erabat aberasgarriak izaten direla uste dugu.

Eta honela ba, goiko sarrera txiki honen ostean gaurko aurkezpenen hausnarketari paso emango diogu.

Gaurkoa ikusita, esan beharra dugu erabateko presioa sentitu dugula. Hiru taldeek ezin hobeto aurkeztu dizkigute beraiek landutako proiektu desberdinak eta listoia oso goian utzi dutela nabarmendu gura genuke, guri bederen izugarri gustatu bait zaizkigu. Hala ere, honek gure lanaren inguruan pentsaraztera eraman gaitu, izan ere, hauen lanak ikusi ostean ea zer egitea lortzen dugun...
Beraz, gu ere aurkezpena prestatzen gabiltza buru belarri!

Lehenengo taldeak portfolioa aurkeztu du. Oso argi azaldu dute, informazio mordoa izan dute guri aurkezteko, teoria mordoa alegia. Eta hori modu dibertigarri eta erakargarrian plazarazi digute eta hau baloratzekoa dela uste dugu. Izan ere, ez da batere erraza tokatu zaien gai konkretuarekin (beronek aurkeztu beharreko oro mugatu egiten duelako) eta transmititu behar izan duten informazio objektibo pilla horrekin sortu duten bezalako aurkezpena bideratzea. Beraz, lan bikaina egin dutela iruditu zaigu. Irakasleen errealitateko esperientziak konpartitzea ere asko gustatu zaigu, azkenean eman duten teoria hori errealitatearekin kontrastatzea positiboa dela deritzogulako. Bloggak nola, nork eta zertarako erabiltzen duten ikusi eta ikasi ahal izan dugu berauekin. Bideo ezberdin asko egin dituzte, gai teoriko baten barruan kutsu komikoa txertatzea lortuaz, eta ikusi ahal izan da honen atzean lan asko egin dutela beraz, ZORIONAK Jakinminez ikasi!

Bigarren taldeak, "Teknografia" gaia izan du. Guretzat gai ezaguna, izan ere, gu ere gai hau jorratzen gabiltza azken aste hauetan. Hala ere, erabat kuriosoa iruditu zaigu eurek aurkeztu duten modua. Hau diogu, ze nahiz eta biok gai berbera izan, gure fokalizazioa eta beraiena guztiz desberdina izan da eta honegatik, lortutako emaitza ere ez da berbera izan. Honela ba, gaurko gaia ezaguna egin zaigun arren, beronen harira, taldekideek gauza berriak aportatu dizkigutela aipatu beharra daukagu eta beraz, gure gaian are gehiago sakondu dugula eta gauza berriak ikasi. 
Beraien irakasle identitatearen nondik norakoen berri eman digute eta berau transmititzeko, taldeko teknografia komuna eta sketch desberdinez baliatu dira. Lehena oso hunkigarria izan da eta bigarrena oso komikoa eta aldi berean esaguratsua guztion hausnarketa pertsonalerako. Hau ere asko gustatu zaigu. Bideoan oso ondo erakutsi dute irakasleak haurrekin zelako harremana izan behar duten. Oso aktore onak dira eta bideo xume batzuekin, aurrerago esan bezala, gauza asko pentsaraztera eraman gaituztelako: ikasle-irakasle papera, irakaslearen jarrera etab.rren inguruan hausnartzera bultzatu digutelako besteak beste.
Beraz, zuei ere ZORIONAK Etorkizuna eraikitzen!


Hirugarren taldeak, gure gelako guztien aurkezpen fitxez baliatuz eta dituzten abilezia guztiak uztartuz, aportazio itzela egin digute. Izan ere, gai abstraktu batetik abiatuta guretzat esanguratsuak izan diren hainbat kontzeptu eta sentimendu saltoka jarri dituzte gure burmuin eta gorputzean. Musika, hitzak, "puesta en escena" bera...dena gustatu zaigu. Gure erresistentziak puxkatu egin ditugu (a ze lasaitasuna, benetan desestresatzeko aukera bikaina izan dela ikusi dugu. Eskerrak paper soil bat izan den...) eta baloreak gure zuhaitz birtualean eskegi. Bizitzak gauza onak eskaintzen dizkigun legez, txarrak ere eman ohi dizkigula ohartu gara, baina hau ez dela batere negatiboa ikusarazi digute, ez horixe. Izan ere, gauza negatiboetatik ere ikasi egiten dugu, hazi egiten gara. Eta garrantzitsuena, gauza negatiboetatik asko ikasten dugu, positiborantz salto bat ematen dugularik. Eta horren isla izan da, balore desberdinekin baliatuz erresistentziak eta oztopoak gainditu ditugula ikustea. Orduan, gure haziak sustraiak bota eta loratu egin zaigulako! 
Nabari da gure talde hau trebea dela teknologia berriekin, eta lan asko egiten ibili direla guri guzti hau eskaintzeko. Honela ba, hirugarren taldearen aurkezpenak ere barrutik betetzen lagundu digu eta era desberdin batean, hazi egin gaitu. Beraz, egin duzuen lanagatik, ZORIONAK Armonika Lewinsky!



Laburpen gisa esatea, hiru taldeen lanak bikainak izan direla, lan asko egin dutela eta hori nabaria izan dela aurkezpenetan. Eta batez ere, izugarri baloratu dugu aurreko egun guztietan egindako lan guztiaren sintetizazioa eta guzti hau besteoi aurkezteko modua, hau da, ikusleoi transmititzeko modua. Itzela izan da. Gero berezkoa den aktore/aktoresa dohaiak dituztela ere ikusi dugu (hemendik telebistara!) eta horrek aurkezpen onak egiteko aukera eman diela. 



Maila horretara heltzea kostako da, hala ere, ahalegina ez da faltako gure partetik.

Besterik barik, mil esker hiru taldeei gurekin konpartitu duzuen guztiagatik eta gaur hainbeste emateagatik!
Eta bene-benetan ZORIONAK, artista hutsak zarete! 


Hitzak: poza, ikaskuntza

Eskola eta aldaketa!

Eta aldaketekin egin genuen aurreko sarrera horren harira, bideo batekin gatozkizue!

Ingurua aldatzen ari dela argi ikusten dugu, eta eskola be aldaketa horretara gehitu beharra dagoela ere sentitzen dugu. Izan ere, gizartea eta eskola uztartuta dauden heinean beratara moldatzea ezinbestekoa da guretzat, ezinbestekoa egungo ikaskuntza moduarekin bat egin eta gure txikiek dituzten beharrizanak ahalik eta ondoen bete eta asetu nahi baldin baditugu bederen. Eta hori lortzeko bidean, teknologia berrien aldaketen trenera salto egin behar dugu, estaziotik gure helmugarantz doan trenak eskapo egin aurretik.
Hala ere, ez dugu salto egin behar esangura barik, izan ere, egiten dugun horri zentzua bilatu behar diogu. Eta ez hori bakarrik baizik eta irakasle izango garen heinean inguruak eskaintzen dizkigun edota guk geuk berez ditugun baliabide horietaz baliatu behar gara, eta berauei ahalik eta kutxu gehien ateratzen ahalegindu. Hori eginez, gero egiten ari garen horrek zentzu potoloagoa izango duelako guztiontzako eta gu geu ere hasi egingo garelako, egiten dugun horretan benetan sinisten badugu. Beraz, IKTen aldaketara gehitu behar gara, baina beti gure ikasteko metodologia hori esanguratsua izaten bada. Honegatik, beharbada, teknologia berrien trena hartu aurretik. Autobus geltokitik pasatu beharko gara eta bertan gure ikaskuntza prozesua esanguratsu bilakatuko duen metodologiaren autobusa hartu!


Honegatik, jada badira berau ikustarazi gura diguten hainbat bideo. Kuxkuxeatzen ari ginela aurki ditugun hainbat igo ditugu eta beraz, gaurkoan ere beste bat konpartitzea pensatu dugu. Beharbada, astun xamarrak izango gara baina, guri  esanguratsua iruditu zaigu!





domingo, 22 de abril de 2012

Aldaketak bai, baina nola?

Gaurkoan ere handik eta hemendik kuxkuxeatzen genbintzala Boris Mir-en artikulu batekin topo egin dugu. Eta beti legez, berau zuekin konpartitzea erabaki dugu sarrera honetan. 

Izan ere, gure bizitza osoa eta ingurua bera, hainbat aldaketez josia dago. Eta gu geu ere aldatu egiten garela argi dago zentzu horretan. Hala ere, sarritan aldaketa asko handi geratzen zaizkigu eta beste batzuetan besterik gabe, aldaketa jakin baten aurrean noraezean aurkitzen gara. Badakigu aldaketa beharrezkoa dela baina, hori egiteko pausuak eman beharrean atzerantz joaten garela sentitu izan dugu maiz. 


Honegatik, ea zer deritzozuen hor behean jarri dizuegun aurkezpenaren inguruan. Hausnarketa egiteko oso baliagarria da!


sábado, 7 de abril de 2012

IKTak gure baliabide!

Lehengo egunean, hausnarketa txikitxoak egiten aritu ginen taldean. Eta gauza bat eta bestea azaldu ondoren, Teknologia berrien arlo honen gaia atera zitzaigun aurrera. Izan ere, hasieran ez genekien nondik norakoa izango zen IKTen gaia, ez genituen larregi ere ezagutzen eta egia esan, gure artean gehien ikara sentimendua da nagusi. Hala ere, denborak aurrera egin ahala guk geuk egin ahal izan dugun ikaskuntza bidean aurrerapausuak egon direla ikusi ahal izan genuen bestean. Bai, gauaza mordo bat ikasi ditugla eta gu geu ere hazi egin garela pertsonalki.
Hainbat arazo sortu izan zaizkigu traste hauekin momentu askotan, bai horixe baina, aurrera egiten ere ikasi dugu eta batez ere, gerora begira gure baliabideen kaxa bete egin dugu. Programa asko ikasi ditugu, besteak beste, eta hau hasi baino ez da egin. Izan ere, aurkezpen desberdinen ondoren benetan are gehiago beteko garenaren sentsazioarekin gaude.
Eta baliabideen kontuaren harira, lehengoan azaldu zen prezi programaren zeozer klasean. Norbaiti zaila egiten omen zitzaion programa honi eskua hartzea eta. Guk pentsamendu matematikoaren garapena, arloan egin behar izan geneun aurkezpen batean erabili genuen prezi programa. Egia esan, hasieran oso zaila egiten zitzaigun berau maneiatzea, baina azkenean hala eta hola, hau frogatu eta bestea ukitu, zeozer egitea lortu genuen. Honegatik, gaurkoan berau zuekin konpartitzea pentsatu dugu. Egun horretan aurkezpenerako prestatu genuen prezia lagako dugu ikusteko nola geratu zitzaigun, eta beharbada hobetu egin ahalko genuela pentsatu arren, gu geu gustora geratu ginen egindako lanarekin.






Eta hori bai, norbaitek preziarekin laguntzarik behar izanez gero, esan beharrik ez dago guk geuk ahal dugun neurrian behintzat ez dugula inongo arazorik laguntza hori eskaintzeko eta emateko. Horrexetarako gaude eta!

martes, 3 de abril de 2012

Pozik gaude!

Gaurkoan pozik gaude azkenean ere, hainbeste kostata baina bukatu ditugulako gure teknografiak. Egia esan, gaurko klasean elkarrekin trukatu eta konpartitu ditugu berauek, eta esan dezakegu gustura geratu garela egindako lanarekin. Ezin ahaztu eta atzean utzi haserre eta frustrazio momentuak, ezta momentu puntual askotan guregan agertu den etsipen sentimendua ere. Hala ere, gaur bestelako eguna da. Izan ere, hainbeste esfortsuk fruitua eman dutela esan dezakegu eta benetan ikasketara bideak merezi izan duela: zeozer gehiago ikasi dugulako hainbeste aldapa izan dituen bide honetan zehar; Moviemaker programa manipulatzen ikasi dugulako (hala edo hola) eta beraz, beste baliabide bat ere badaukagulako. Eta guzti honetatik garrantzitsuena gu geu ere pertsonalki hazi garelako. Helburu bat izan dugu, proiektu bat esku artean. Baina berau lortzeko pentsatu baino oztopo gehiago aurkitu ditugun bidean. Hala ere, pixkanaka aurrera egin ahal izan dugula ikusi dugu eta bidean elkarri lagundu diogula, besteak beste. Eta horrek poztu egin gaitu nolabait esateko.
Sentsazio gazien ondoren datorren gozotasuna sentitzen ari gara, ekaitzaren ostean datorren barea...ez dakigu zer. Baina, gaurkoan pozik gaude.

Eta honegatik, lehengoan liburu bat irakurtzen nenbilela ondorengoarekin topo egin nuen eta zuekin konpartitzea pentsatu dugu. Goza ezazue, eta batez ere hausnartu dioen horretaz...



EL ELEFANTE ENCADENADO
 
"Cuando yo era pequeño me encantaban los circos, y lo que más me gustaba de los circos eran los animales. Me llamaba especialmente la atención el elefante que, como más tarde supe, era también el animal preferido por otros niños. Durante la función, la enorme bestia hacía gala de un peso, un tamaño y una fuerza descomunales... Pero después de su actuación y hasta poco antes de volver al escenario, el elefante siempre permanecía atado a una pequeña estaca clavada en el suelo con una cadenaque aprisionaba una de sus patas. 
Sin embargo, la estaca era sólo un minúsculo pedazo de madera apenas enterrado unos centímetros en el suelo. Y, aunque la cadena era gruesa y poderosa, me parecía obvio que un animal capaz de arrancar un árbol de cuajo con su fuerza, podría liberarse con facilidad de la estaca y huir. 
El misterio sigue pareciéndome evidente. 

¿Qué lo sujeta entonces?
¿Por qué no huye?

Cuando tenía cinco o seis años, yo todavía confiaba en la sabiduría de los mayores. Pregunté entonces a un maetsro, un padre o un tío por el misterio del elefante. Alguno de ellos me explicó que el elefante no se escapaba porque estaba amaestrado. Hice entonces la pregunta obvia: "Si está amaestrado, ¿por qué lo encadenan?"

No recuerdo haber recibido ninguna repuesta coherente. Con el tiempo, olvidé el misterio del elefante y la estaca, y sólo lo recordaba cuando me encontrabacon otros que también se habían hecho esa pregunta alguna vez. 
Hace algunos años, descrubí que, por suerte para mí, alguien había sido lo suficientemente sabio como para encontrar la respuesta: 

El elefante del circo no escapa porque ha estado atado a una estaca parecida desde que era muy, muy pequeño.

Cerré los ojos e imaginé al indefenso elefante recién nacido sujeto a la estaca. Estoy seguro de que, en aquel momento, el elefantito empujó. tiró y sudó tartando de soltarse. Y, a pesar de sus esfuerzos, no lo consguió, porque aquella estaca era demasiado dura para él. 
Imaginé que se dormía agotado y que al día siguiente lo volvía a intertar, y al otro día, y al otro... Hasta que, un día un día terrible para su historia, el animal aceptó su impotencia y se resignó a su destino. 
Ese elefante enorme y poderoso que vemos en el circo no escapa, porque, pobre, cree que no puede. 
Tiene grabado el recuerdo de la impotencia que sintió poco después de bacer. 
Y lo peor es que jamás se ha vuelto a cuestionar seriamente ese recuerdo. 
Jámas, jámas intentó volver a poner a prueba su fuerza..."





"Ezina ekinez egina"



Hitzak: emaitza, poza

lunes, 2 de abril de 2012

Moviemaker-arekin lanean

Aste hau benetan potentea izan da guretzat. Izan ere, arlo desberdinetako lanak egiten gabiltza zoroen pare. Hau bukatu, bestea prestatu, biharko atal hau egin, besterako materiala ekarri...
Aste Santuetako oporrak heltzeko gogoa eta udaberria ere agertu direla nabari da gure egunerokoan.
Guztiok bait ditugu nerbioak pil-pilean.
Honen ondorioz, egia esan aste honetako sarrera berandu xamar publikatu dugu, beraz, aurretiaz barkamena eskatu gura genuke.
Eta orain sarrera txikiaren ondoren gure lanaren nondik norakoen berri ematera goaz.
Aurreko astean ideia eta proiektu desberdinak planteatzen egon ondoren, jada hasi gara moviemaker-arekin lanean. Egia esan uste baino arazo gehiagorekin egin dugu topo eta honek milaka (beharbada exageratzen ari gara) tentsio momentu sortu ditu gure barnean. Oztopo mordoa aurkitu ditugu gure bideoa osatzeko: batean, moviemaker-aren bertsio ezberdinak ditugulako ordenagailuan, eta ondorioz ordenagailu batetik bestera kargatzean bideoak desagertu egiten direla; bestean, bideoak sartu nahi ditugula eta horretarako lan itzela egin dugula (bideoen formatuak aldatu eta gauza desberdinak mugitzen ibiliz), eta azkenean, hainbeste esfortsuren ondoren, gure helburua lortu gabe geratu dela barneratu behar izan dugu, bideoetako kode arazoengatik; Eta bueno, zer esanik programa blokeatzen denean jasaten ditugun  frustazio-estres-haserre momentuak gogoratzen hasten bagara...
Pentsatu baino lan gehiago dugu teknografiak egiten.
Gure lanak eta proiektuak aurrera doazela ikusten dugun arren, esfortsu itzela egiten ari garela uste dugu, eta benetan uste genuena baino zailagoa dela lan txukun bat egitea, moviemaker-a guretzat programa berri bat delako eta uste ez arren pentsatu baino galduago sentitzen garelako berau maneiatzen.
Hala ere, bukatzeko gogoa daukagu eta nola edo hala gure frustrazioak apurka gaindituko ditugunaren indarra ematen ari gara elkarri. Izan ere, taldean konpartitzen ditugu etxean egiten ari garen lanaren gorabeherak eta hitz egiteak asko laguntzen digu, eta baita besteen egoera ezagutzeak edota elkarri laguntzeak. Honela ba, pixkanaka aurrera egitea espero dugu eta apurka ea gustua hartzen diogun bideoak egiteko programa honi. Beste baliabide bat gehiago izango bait dugu gerora begira eta hori oso aberasgarria da guretzat.
Beste barik, proiektua bukatzera goaz , eta beraz, animoak guztioi!


Euskal atsotitz batek esaten duen legez:
 "Gogoko tokian, aldaparik ez"




Hitzak: estresa, lana

lunes, 19 de marzo de 2012

Lanean murgilduta buru belarri!

Aste honetan, sarrerako izenburuan jarri dugun legez gabiltza, gure teknografia egiteko prozesuan murgilduta. Bestelako teknografiak kuxkuxeatzen, ideiak hartzen, musika eta irudiak bilatzen, movie maker programa arakatzen... Nahiko lasai aritu gara lanean, hau egin, bestea ukitu etab.
Orokorrean oraindik gure martxa hartu nahian ibili gara. Hala ere, gaurkoan pixkanaka gure proiektu honen bidea apurtxo bat gehiago ezagutzen dugunaren sentsazioarekin gaude. Izan ere, lan asko dugu aurretik eta egia esan horrek beldurtzen gaituen arren, badakigu zer egin behar dugun eta beraz, gure bide luzean helmuga non dagoen aurkitu eta ikusi dugula esan dezakegu. Beharbada, edo ziur aski hobeto esateko, bide honek, bide-zidor eta oztopo ugari izango ditu, desesperatu eta estresatu ere egingo gara, baina merezi izango du guztiak.
Bestalde, lan honekin gure barruak arakatzen hasi gara eta horrekin batera milaka sentimendu mugitzen. Mila momentu eta oroitzapen gogorarazten ari gara. Sentimendu multzo izugarria.

Gaur, estrupus ere egin dugu musika txertatzen eta kentzen nahaste ugari ibili ditugulako besteak beste, baina gure burua erronka berriei aurre egiten ikusteak motibatu ere egiten gaitu. Honela ba, edozein egoeretatik ikasi dezakegula ohartzen gara.

"Ibili , erori eta altxatzearen oinarrizko legea
Ikastearen dema ala dema bera irakaspen , ber gauza dira"




Joan den asteko sarrerari begiradatxo bat bota diogunean irribarrea atera zaigu. Amildegian behera salto egingo genuela jarri genuen eta oraindik halaxe sentitzen garen arren, amildegi horren altuera, sakonera, baxua dela ikusten dugulako gaur. Hau da, garapen bat egon dela ohartu garela alegia, eta genituen beldur horiek apurka uxatzen ari garela eta uxa genitzakela sentitzen dugula, lortuko dugula. Eta horrek motibatu egten gaitu, proiektu honen bide honetan pausu bakoitza gogor egiteko. Bidea gurea da eta oinatzak guk egingo ditugu, gaizki edo ondo, baina markatuta lagako ditugu bidean zehar.


Hitzak: bide-zidorrak, oroitzapenak